Aaya Hoon Ban Key Saa-il Sultan e Do Jahaan - Qari Rizwan - Naat Lyrics

Aaya Hoon Ban Key Saa-il Sultan e Do Jahaan
Rehmat Ho Phir Sey Maa-il Sultan e Do Jahaan

Izzo Waqaar Deydo Islam o Muslimeen Ko
Mit Jaayain Saarey Baatil Sultan e Do Jahaan

Beykas Hoon Naatawaan Hoon Dar Par Mey Aagaya Hoon
Mo’min Banaado Kaamil Sultan e Do Jahaan

Maujon Key Ranj o Gham Mey Kashti Hai Yeh Phansee Hai
Mujh Ko ‘Ataa Ho Saahil Sultan e Do Jahaan

Apni Wilaa Mey Mujh Ko Aisa Guma Do Aaqa
Khud Sey Rahoon Mey Gaafil Sultan e Do Jahaan

Duniya Key Shar Sey Mujh Ko Behr e Khudaa Bachaalo
Daaman Mey Karlo Daakhil Sultan e Do Jahaan

Ban Key Gadaa Hoon Haazir Nazr e Karam Ho Naazir
Deedaar Ab Ho Haasil Sultan e Do Jahaan

Jumla Muballigeen Ko Khairaat e ‘Ilm Deydo
Sunnat Key Sab Ho ‘Aamil Sultan e Do Jahaan

Tehreek Sunni Dawat e Islami Ko Hameysha
Nazron Mey Karlo Shaamil Sultan e Do Jahaan

Shaikheen Ka Tasadduq ‘Ilm e Ladunni Deydo
Khashiyat Ho Rab Ki Haasil Sultan e Do Jahaan

Dar Pey Bulaatey Rehna Bigri Banaatey Rehna
Izzat Rahey Yeh Haasil Sultan e Do Jahaan

Giryan Hai Qalb e Shakir Kardo Karam Bhi Waafir
Apnon Mey Karlo Shaamil Sultan e Do Jahaan