Qismat Meyri Chamkaayi Hey Aaqa Ney Bulaakar - Qari Rizwan - Naat Lyrics

Qismat Meyri Chamkaayi Hey Aaqa Ney Bulaakar
Jholi Bhi Meyri Bhardee He Daataa Ne Bulaakar

Bey Misl Sakhi Tum Ho To Main Adnaa Bhikaari
Hasnain Ka Sadqa Do Mujhey Dar Pey Bithaa Kar

Hey Aarzoo Itni Key Rahoon Dar Ka Hee Mangtaa
Rakhna Merey Aaqa Mujhey Apnaa Hee Banaa Kar

Apni Hee Nigaahon Ki Nigehbaani Mey Rakhna
Iss Beykas o Majboor Ko A’daa Sey Bachaa Kar

Keh Dijye Shaamil Hey Gulaamon Mey Tu Shakir
Beytha Hoon Main Chowkhat Pey Yehi Aas Lagaa Kar

‘Jaaooka’ Sunaa Mey Ney Chala Aaya Main Aaqa
Kar Dijye Bakhshish Ki Du’a Lub Ko Hilaa Kar

Jub Hashr Mey Shakir Ho Pareyshaan To Maulaa
Rakh Leyna Usey Apney Hee Daaman Mey Chupaa Kar