Shahey Deen Ki Meelad Ka Hai Maheena - Qari Rizwan - Naat Lyrics

Shahey Deen Ki Meelad Ka Hai Maheena
Nibhaaya Mujhey Aur Bulaaya Madinah

Rahey Mujh Pey Rehmat Ka Aaqa Tasalsul
Talab Ka Nahin Mujh Mey Daata Qareenah

Mubarak Ho Yaum e Wiladat Mubarak
Gulaamon Ki Jaanib Sey Aaqa Mubarak

Khudaara ‘Ataa Ho Hamey Bhi To ‘Eidee
Miley Ham Ko Shah Ki Taraf Sey Mubarak

Nigah e Karam Mujh Pey Aaqa Ney Daali
Dikhayee Mujhey Apney Rozey Ki Jaali

Meyrey Dil Key Armaan Bhi Poorey Karaingey
Nahin Lota Is Dar Sey Koi Bhi Khaali

Mili Itnee Rif’at Key ‘Arsh e Bareen Par
Nishaan e Qadam Hai Yeh Uss Ki Jabeen Par

Mey Beytha Hoon Qadmon Mey Ab To Khudaara
Parey Naqsh e Paa Meyrey Dil Ki Zameen Par

Kharaa Hai Hawaadis Mey Shakir Tumhaara
Bajuz Aap Key Ab Nahin Hai Sahaara

Mitey Ranj o Gham Key Hain Jitney Bhi Baadal
Karam Ka Karain Ab Khudaara Ishaara