Bohot din hoo gaye Taiba ke raste dekh to Aayein - Naat Lyrics

Bohot din hoo gaye Taiba ke raste dekh to Aayein
Chalo uss Shehr ko ik baar phir se dekh to Aayein

Uttar jaayegi mehroomi ki chaadar Shehr-e-Taiba mein
Chamak utheinge qismat ke sitaare dekh to Aayein

Judaai ke dhuleinge naqsh gehre dil ki takhti se
Charhega rang qurbat wo, nazaare dekh to Aayein

Ussi din aarzuon ke khandar mein roshni hogi
Dar-e-Sarkaar ke roshan ujaale dekh to Aayein

Huzoori ki wo pehli pehli saa’at khoob rulaati hai
Nigaahon ko ussi dar ki tallab hai dekh to Aayein

Haseen palkhon ka chilmann kholeinge jaa kar Madine mein
Sadaa aankhon mein rakheinge wo jalwe dekh to Aayein

Mehekti khushbooein khud hi pataa uss Shehr ka deingi
Ujaagar utho himmat karlo chalke dekh to Aayein

Bohot din hoo gaye, Taiba ke raste dekh to Aayein
Chalo uss Shehr ko ik baar phir se dekh to Aayein