Dil may kissi ko aur basaaya na jaey ga - Naat Lyrics

Dil may kissi ko aur basaaya na jaey ga
Zikr-e-RASUUL-e-Paak bhulaaya na jaey ga

WO khud he jaan lain gay, jataaya na jaey ga
Hum say tou apna haal sunaaya na jaey ga

Hum ko jazaa millay gee MUHAMMAD say Ishq ki
Dozakh kay aas paas bhi laaya na jaey ga

Kehtay thay yay Bilal, tashadud pay kufr kay
Ishq-e-NABI tou dil say nikaala na jaey ga

Bayshak Huzuur Shafa-e-Mehshar hain Munkirou
kya Un ka saamnay Tumhay laaya na jaey ga

Maanay ga UN ki baat, KHUDA hashr may Naseer
Bin MUSTAFA KHUDA ko manaaya na jaey ga