Jiss ka koii saani nahiin wo nabi hamara hei - Naat Lyrics

Jiss ka koii saani nahiin wo nabi hamara hei
Mustafa ki azmat ka had hei na kinaara hei

Jo habeeb-e-daawar hei jo makeen-e-khizra hei
Sayyadah ka baba hei aamina ka pyaara hei

Aap ki hi chokhatt ke ya nabi bikaari hein
Aap hi ke ttukrron pe ya nabi guzaara hei

Zor par ho tufaan bhi or ddagmaga-ai nayya bhi
Aap gar karam kar dain to saamne kinaara hei

Iss umeed par mein bhi aa kharra hun chokhatt par
Wo kabhi to poochain ge kon gham ka maara hei

Bhoole na niyaazi kabhi bhool kar bhi yaad-e-nabi
Un ko bhool jaana hi asal main khasaara hei