Hum Aaimmah ke muqallid hain tamaam Lyrics

Hum Aaimmah ke muqallid hain tamaam
Hai Imamaun ka hamay bhi ehteraam

Har Imam e waqt ne Deen ke liye
Waqf ki hai jaan apni la kalaam

Hai jahaan mein Hazrath Numaan bhi
Mazhab Hanfi ke sar-kirdah Imaam

Aapne chaha yehi aik aik pal
Sur-khuru ho Ummate Khairul Anaam

Ijtihaad aisa kiya Ai marhaba
Mujtahid ho kar raha duniya me naam

Masle tishnah na chore Aap ne
Hal kiye uljhe huwe thay jo tamaam

Waqt ke aahang ne Azam kaha
Aap ko to Ai fiqiyah wa Ai Imam

Faiz paya Aap se ahnaaf ne
Wo saher ho ya ke ho wo koee shaam

Nazar karna hai yeh mukhtaar e hazeen
Aap ko Ai Bu Haneefa As-Salaam