Mayri jholi ko bhar day eh khuda sadqay Muhammad kay - Naat Lyrics

Mayri jholi ko bhar day eh khuda sadqay Muhammad kay
Gunahgaron ka bhi kar day bhala sadqay Muhammad kay

Hamaray haal pay daata karam apna sada rakhna
Tuhi sheytaan say imaan walon ko bacha rakhna
Har ik tufaan mayn dayna aasra sadqay Muhammad kay

Samajhti he yay dunya apna ham iman day dayn gay
Magar iman ki khaatir ham apni jaan day dayn gay
Hamay iss aazmaish say bacha sadqay Muhammadkay

Tayri rahmat ko ro ro kay ham eh malik jaga dayn gay
Yay parday aasman kay ham dua-on say ghira dayn hay
Hamayn noor e khuda say phir mila sadqay Muhammad kay

Jahan mayn bay saharon ko faqat tayra sahara he
Nahiin he koii bhi apna bas ik tu hi hamara he
Jo bichhrhay heyn unhayn tu phir mila sadqay Muhammad kay

Mayri kashti he tufaan mayn kinaray par laga dayna
Mayray mola mayri sari khataa-on ko bhula dayna
Mayray so-ay naseebon ko jaga sadqay Muhammad kay