Khila mere dil ki kali Ghous-e-Azam - Manqabat Lyrics

Khila mere dil ki kali Ghous-e-Azam
Mita qalb ki be kali Ghous-e-Azam

Tere Rab ne maalik kiya tere jad ko
Tere dar se duniya pali Ghous-e-Azam

Nahin koyi bhi aisa faryaadi Aaqa
Khabar jiski tumne na li Ghous-e-Azam

Meri rozi mujko ataa karde Aaqa
Tere Dar se duniya ne li Ghous-e-Azam

Namaangoon mein Tumse to phir kisse maangoon
Kahin aur bhi hai chali Ghous-e-Azam

Jo Kismat ho Meri buri, achchi kardo
Jo aadat ho badkar bhali Ghous-e-Azam

Tera martaba aala kyun ho na Maula
Tu hai Ibne Maula Ali Ghous-e-Azam

Qadam gardane Awliya par he Tera
HAI tu Rab ka aisa Wali Ghous-e-Azam

Hamaara bhi beda lagaado kinaare
Tumhe nakhuda’i mili Ghous-e-Azam

Fida tumpe ho jaye Noori ye muztar
Ye hai uski khwa’ish dili Ghous-e-Azam