Chaayaa Hai Kaif Dil Par Qadmon Mey Baith Kar - Qari Rizwan - Naat Lyrics

Chaayaa Hai Kaif Dil Par Qadmon Mey Baith Kar
Hai Auj Par Muqaddar Qadmon Mey Baith Kar

Khushboo e Mustafa Sey ‘Aalam Mehak Raha Hai
Main Bhi Huwa Mu’attar Qadmon Mey Baith Kar

Taskeen e Qalb Mujh Ko Phir Sey Huwi Hai Haasil
Roodaad e Gham Sunaa Kar Qadmon Mey Baith Kar

Kya Ab Bhi Meyrey Rab Ka Mujh Par Karam Na Hoga
Pheyley Hain Haath Dar Par Qadmon Mey Baith Kar

Taibah Mey Rehmaton Ki Baarish Baras Rahi Hai
Deykha Hai Pyaara Manzar Qadmon Mey Baith Kar

Ghaus o Raza Key Sadqey Khwaaja Piya Key Sadqey
Iftaar Hai Mayassar Qadmon Mey Baith Kar

Noor e Nabi Sey ‘Aalam Roshan Huwa Hai Shakir
Dil Bhi Huwa Munawwar Qadmon Mey Baith Kar

Sultan e Do Jahan Ka Tujh Par Karam Hai Shakir
Aankhain Huwi Hain Phir Tar Qadmon Mey Baith Kar