Mujhey Meyrey Aaqa Bulaatey Rahaingey- Qari Rizwan - Naat Lyrics

Mujhey Meyrey Aaqa Bulaatey Rahaingey
Madiney Ka Mangtaa Banaatey Rahaingey

Dikhaa Sabz Gumbad To Boli Yeh Aankhain
Key Palkon Key Moti Lutaatey Rahaingey

Jinhey Ishq e Ahmed Ki Daulat Mili Hai
Unhain Simt e Jannat Bulaatey Rahaingey

Mujhey Qabr Ki Ab Nahi Koi Wehshat
Huzoor Apna Jalwah Dikhaatey Rahaingey

Hai Ai’zaaz Chaukhat Pey Baitha Hoon Unki
Yeh Qaasim Hain Ne’mat Lutaatey Rahaingey

Huwa Tum Pey Ramzan Mey Naazil Yeh Qur’an
Sunain Gey Usey Aur Sunaatey Rahaingey

Baney Wird e Salley ‘Alaa Jis Ki ‘Aadat
Usey Apna Keh Kar Bulaatey Rahaingey

Hai Shakir Ko Aaqa Karam Par Bharosa
Yahaan Bhi Wahaan Bhi Bachaatey Rahaingey