Yaa Rasool Allah Shafqat Keejiye - Qari Rizwan - Naat Lyrics

Yaa Rasool Allah Shafqat Keejiye
‘Aasiyon Par Nazr e Rehmat Keejiye

Daafa’e Jumla Bala Hain Aap Hee
Gham Ko Aaqa Jald Rukhsat Keejiye

Roz e Mahshar Lub Pey Hogi Yeh Sadaa
Shaafa’e Ummat Shafaa’at Keejiye

Dar Key Tukron Sey Guzaara Hey Meyra
Rizq Mey Meyri Bhi Wus’at Keejiye

‘Ilm e Naaf’i Ho ‘Ataa Mujh Ko Huzoor
Door Mujh Sey Ab Jihaalat Keejiye

Qalb Muztar Ki Sadaa Hai Bus Yahi
Taibah Mey Madfan ‘Inaayat Keejiye

Jaa Rahaa Hoon Phir Madiney Sey Huzoor
Jald Phir Aaoon Woh Soorat Keejiye

Daaman e Shakir Hey Pheylaa Ai Kareem
Sadqa Acchon Ka ‘Inaayat Keejiye