Hum bhi aye kaash Madine mein bulaaye jaate - Naat Lyrics

Hum bhi aye kaash Madine mein bulaaye jaate
Shah-e-Konain ke mehmaan banaaye jaate

Zindgaani ko bhi jeene ka saleeqa aata
Raat bhar Unki huzoori mein jagaaye jaate

Wajd mein hoke bhi eik hosh ki dunya hoti
Parde aankhon se meri itne hattaaye jaate

Aapke qurb ki khushbu ki sa’adat ka nasha
Dekhte Roza-e-Purnoor ko aate jaate

Eik jharri ansuon ki nazr-e-aqeedat karte
Daagh-e-isyaan bhi issi tarha mittaaye jaate

Martaba apna bhi shahon se zyada hota
Unki dehleez pe jab Shaad bithaaye jaate.

Hum bhi aye kaash Madine mein bulaaye jaate
Shah-e-Konain ke mehmaan banaaye jaate