Kya husn-e-ifteqar hai yaad-e-Hussain mein - Manqabat Lyrics

Kya husn-e-ifteqar hai yaad-e-Hussain mein,
Har ashq ek bahaar hai yaad-e-Hussain mein

Darbar-e-Mustafa ki fazeelat na poochhiye,
Insaan ka waqaar hai yaad-e-Hussain mein

Har ashq kalma parhte hain bar deen-e-Mustafa,
Kya husn-e-yaadgaar hai yaad-e-Hussain mein

Wallah sar ba sar hai wo iman ka sukoon,
Jo qalb-e-beqaraar hai yaad-e-Hussain mein

Dil zindagi mein kaise na ho khuld aashiyaan,
Islam ki bahaar hai yaad-e-Hussain mein