Chaman-e-Taybaa Mai - Naat Lyrics

Chaman-e-Taybaa Mai Sumbul Jo Savaare Gaesoo
Hoor Bad Kar Shikane Naaz Pe Vaare Gaesoo

Ham Siya Karon Pe Ya Rabb Tapish-e-Mehshar Mai
Saya Afgan Ho Tere Pyare Ke Pyare Gaesoo

Sukhe Dhanon Pe Hamare Bhi Karam Ho Jaae
Chhae Rehmat Ki Gata Banke Tumhare Gaesoo

Bhini Khushbu Se Mahak Jaati Hai Kaliya Wallah
Kese Foolon Mai Basae Hai Tumhare Gaesoo

Ki Jo Baalon Se Tere Roze Ki Jarub Kashi
Shab Ki Shabnam Ne Tabarruk Jo Hai Dhare Gaesoo

Ohad-e-Paak Ki Choti Se Ulaj Le Shab Bhar
Sub'h Hone Do Shab-e-Eid Ne Hare Gaesoo

Tel Ki Bunde Tapakti Nahi Baalon Se RAZA
Sub'he Aariz Pe Lutate Hai Sitare Gaesoo