MADINAH AANEY WAALA HAI - Qari Rizwan - Naat Lyrics

Sambhal Jaa Ai Dil e Muztar Madinah Aaney Waala Hai
Lutaa Ai Chashm e Tar Gohar Madinah Aaney Waala Hai

Qadam Ban Jaaye Meyra Sar Madinah Aaney Waala Hai
Bichaun Rah Mey Nazar Bankar Madinah Aaney Waala Hai

Jo Deykhey Unka Naqsh e Paa Khuda Sey Wo Nazar Maangoon
Chirag e Dil Chaloo Leykar Madinah Aaney Waala Hai

Karam Unka Chala Yoon Dil Sey Kehta Raah e Taibah Mey
Dil e Muztar Tasalli Kar Madinah Aaney Waala Hai

Nichawar Hain Madiney Ki Yeh Meyra Dil Meyri Aankhain
Nichawar Hoon Madiney Par Madinah Aaney Waala Hai

Ilaahi Mey Talabgaar e Fanaa Hoon Khaak e Taibah Main
Ilaahi Kar Nisaar e Dar Madinah Aaney Waala Hai

Madiney Ko Chalaa Main Bey Niyaz Rehbar e Manzil
Raah e Taibah Hai Khud Rehbar Madinah Aaney Waala Hai

Mujhey Kheenchey Liye Jaata Hai Shauq e Koocha e Jaanaan
Kheenchaa Jaata Hoon Mey Yaksar Madinah Aaney Waala Hai

Wo Chamka Gumbad e Khazra Wo Shehr e Pur Ziyaa Aaya
Dhaley Ab Noor Mey Peykar Madinah Aaney Waala Hai

Jahan Sey Bey Khabar Ho Kar Chaloo Khuld e Madinah Mey
Chaloo Ab Hosh Ki Peekar Madinah Aaney Waala Hai

Madiney Mey Khuley Baab e Hayaat e Nau Batar Ze Noo
Badal Daalo Kahan Daftar Madinah Aaney Waala Hai

Talabgaar e Madinah Tak Madinah Khud Hee Aajaye
Tu Duniya Sey Kinaara Kar Madinah Aaney Waala Hai

Madinah Aagaya Ab Deyr Kya Hai Sirf Itni Si
Tu Khaali Kar Yeh Dil Ka Ghar Madinah Aaney Waala Hai

Falak Shaayad Zameen Par Reh Gaya Khaak e Guzar Ban Kar
Bichey Hain Raah Mey Akhtar Madinah Aaney Waala Hai

Fazaayain Mehki Mehki Hain Hawaayain Bheeni Bheeni Hain
Basee Hai Kaisee Mushk e Tar Madinah Aaney Waala Hai

Qamar Aaya Hai Shaayad Unkey Talwon Ki Ziyaa Leyney
Bichaa Hai Chaand Ka Bistar Madinah Aaney Waala Hai

Muhammad Key Gadaa Kuch Farsh Waaley Hee Nahin Deykho
Wo Aata Hai Shahey Khaawar Madinah Aaney Waala Hai

Gubaar e Raah e Anwar Kis Qadar Purnoor Hai Akhtar
Tanee Hai Noor Ki Chaadar Madinah Aaney Waala Hai