Wah Kya Jood-o-Karam Hai Shahey Batha Teyra - Qari Rizwan - Naat Lyrics

Wah Kya Jood-o-Karam Hai Shahey Batha Teyra
Nahi Sunta Hee Nahi Maangney Waala Teyra

Dhaarey Chaltey Hain ‘Ataa Key Wo Hai Qatra Teyra
Taarey Khiltey Hain Sakhaa Key Wo Hai Zarrah Teyra

Aghniya Paltey Hain Dar Sey Wo Hai Baaraa Teyra
Asfiyaa Chaltey Hain Sar Sey Wo Hai Rastaa Teyra

Farsh Waaley Teyri Shaukat Ka ‘Uloo Kya Jaaney
Khusrawaa ‘Arsh Pey Urta Hai Phareyraa Teyra

Mey To Maalik Hee Kahunga Key Ho Maalik Key Habib
Yaani Mehboob-o-Mohib Mey Nahi Meyra Teyra

Terey Qadmon Mey Jo Hain Gheyr Ka Munh Kya Daikhain
Kaun Nazron Pey Charey Daikh Key Talwah Teyra

Eyk Mey Kya Merey ‘Isyaan Ki Haqeeqat Kitnee
Mujh Sey Sau Lakh Ko Kaafi Hai Ishaara Teyra

Terey Tukron Pey Paley Gheyr Ki Thokar Pey Na Daal
Jhirkiyan Khaaye Kahaan Chor Key Sadqa Teyra

Tu Jo Chaahey To Abhee Meyl Merey Dil Key Dhuley
Key Khuda Dil Nahi Karta Kabhi Meyla Teyra

Haram-o-Taibah-o-Baghdad Jidhar Keejiye Nigaah
Jot Parti Hai Tiri Noor Hai Chantaa Teyra

Teyri Sarkaar Mey Laata Hai RAZA Uss Ko Shafee
Jo Meyra Ghaus Hai Aur Laadlaa Beyta Teyra